Dr.Hoda

انا قلت استني لحد ما اخلص الكورس وبعدين اقول رأيي الشخصي فكورس دكتوره هدي سراج . الصراحه انا اصلا فالاول مكنتش رايحه عشان انا فيا عيب اني دايما عايشه دور "أنا سعيدة طول الوقت" ولازم ابان كده،عشان كده لما بقع كانت وقعاتي وحشه و القلق بقي من هنا لبكره ،بس برمي ورا ضهري وفاكره أن ده عادي بيحصل وكنت مش مرتاحه وضربات قلبي مش مظبطه بسمعها ومعرفش ده ليه مع اني فيوم عادي وراسمه نفس الدور اني سعيده وخلاص .. حتي لما عملت اختبار الاكتئاب وطلع عندي اكتئاب وسطي جميل كده "اكتئاب متوسط"😄 مصدقتش الصراحه وكنت فحاله انكار برضه(غباوه بقي😂) انا اللي الناس بتقول عليا فرفوشه عندي اكتئاب ازاي بقي ،وفعلا مكنتش جايه خالص الكورس بس شخص عزيز عليا قالي خديه عشان خاطري واشرحهولي عشان هي مسافره ومحتاجاه. وكانت بقي اول مره حضرت كنت متضايقه جدا وعاوزه امشي ومشوشه ومتضايقه اني اتاكدت أن الي انا فيه ده فعلا اكتئاب اني مش قادره اعمل الوظائف العاديه واني حاسه اني فدايره مفرغه لدرجه اني فكرت اقوم امشي فنص الكورس بس قلت هكمل وخلاص يمكن استفيد، لكن عملت حاجات من نصائح الدكتور من الورق فرق فمودي شويه واحساسي بالانجاز. وتاني مره بصراحه كانت مؤلمه وحلوه فنفس الوقت انها عملت "فلاش باك"علي حاجات وجعاني اوي من طفولتي وفيها حاجات بتظهر ساعات ومطنشاها وببقي مش فاهمه انا متضايقه او مش عارفه اخد نفسي ليه،وبرجع البيت اراجع واحل شويه من الواجب اللي اقدر عليه ،واقول برضه هكمل. تالت ورابع مره كنت مرتاحه تاني ورجعت لطبيعتي من غير القبضه ولا الرهبه اللي كانت بتجيلي وانا نازله وأغلب الموجودين برضه كانوا وشوشهم مرتاحه النهارده بجد . شكرا بجد د هدي عالكورس هو فعلا مؤثر فعلا وباحساس أن الواحد قادر يستمر وحتي لو وقع الحياه كده ومش كل الايام وردي🌸 بس عالاقل معاه الادوات اللي تقومه تاني💪🏻 keep it up

حياتي كانت كئيبة وعلى طول حاسة اني زهقانه وحاسة بالملل... مش عارفة انا عاوزة ايه مش عارفة اكتشف نفسي مش عارفة احقق اي اهداف في حياتي... اشتركت في كورسات كتير علشان اقدر اغير من نفسي واعيش سعيدة.... كل الكورسات اللي حضرتها كانت جميلة وكنت بستفيد منها لكن المختلف في الكورس ده الجانب العملي التطبيقي فيه في حاجات في الكورس ده سمعتها في كورسات قبل كده لكن مكنتش بعرف اتعامل مع المعلومات ديه وانزلها على الواقع بتاعي...... بعد ما اشتركت في الكورس ده حاجات كتير اتغيرت عرفت افكر صح عرفت ازاي اقدر اتعامل مع مشاعري السلبية وازاي اكسر مود الاكتئاب واخرج منه بصراحة الكورس نور معايا حاجات كتير في حياتي واداني الخطة اللي اقدر ارسم بيها حياتي بالشكل اللي يريحني الكورس مهم جدا مش بس للي عندهم اكتئاب مهم لكل واحدة عاوزة تتعلم تدير حياتها صح ازاي وكل الشكر والتقدير لدكتورة هدى ربنا ينفع بيك

انا طول عمري شخصية متفائلة ونشيطة وفاجئة لقيتني شخص تاني احساس مؤلم جدا بير ضلمة مش عارفة اطلع منه إحساس بالذنب رهيب على الألم اللي باسببه للي حواليا .. والمشكلة إن حياتي زي الفل ومفيش حاجة تستدعي الإكتئاب أبدا كل مشكلتي كانت مع نفسي أفكاري ومشاعري وسلوكياتي كلها ماشية غلط .. الحمد لله ربنا وضع في طريقي د. هدى مش عارفة إزاي لكن ربنا كريم .. وبدات الكورس أكتر شئ شدني التلقائية وعدم التكلف اللي باشعر بيها وهي بتتكلم باحس انها حد قريب مني قوي وعارفاني كويس .. بدأت أشتغل في الكورس وتقريبا من مرتين بدأت أشعر بالفرق بقيت أكثر وعيا بالفخاخ اللي كنت باقع فيها .. انا لسة ماخلصتش الكورس كله لكن بجد حاسة إني رجعت زي زمان لكن وانا اكثر وعيا ومستعدة افضل للنوبات لما تجيلي .. انا طبعامازالت بتجيلي نوبات اكتئاب لكن على فترات اطول ومدتها بتكون اقصر وباتعامل معاها بشكل افضل .. قبل ماابدأ الكورس لما عملت اختبار الاكتئاب اللي موقع د. هدى كانت درجتي 54 وبعد ماخلصت حوالي ربع الكورس الدرجة بقيت 34 .. بجد أنصح أي حد عنده اكتئاب يبدا الكورس حتى لو بياخد أدوية لكنها لوحدها مش حاتغنى عن علاج الأفكار اللي هي اكبر أسباب اللي احنا فيه ده .. شكرا د. هدى بادعيلك دايما بالخير وممتنة جدا للتغيير اللي حصل في حياتي وحضرتك كنت سبب فيه

انا بشوف الكورس حاليا أونلاين ودي تاني مرة احضر الكورس ده اول مرة كانت لايف في الشيخ زايد اول مرة للاسف مكنتش ادرة احكم كويس عشان كان بعد وفاة بابا بشهر وفعليا مكنش في ذرة تركيز كنت شبه مغيبة وبالاضافة اني فوت يوم من التلات ايام الايام دي بعد سبع شهور من الكورس الاول قررت اشوفه اونلاين تاني واركز مع د هدى واطبق التولز اللي بتقولها وبجد ماشاء الله فرق جدا معايا بالرغم اني لسة ماخلصتوش كله بس لحد دلوقتي فرق جدا جدا معايا وقدرت افهم نفسي ومشاعري واتحكم شوية في افكاري واوجها صح حاسة اني وقفت على اول الطريق اللي كنت بدور عليها كل الشهور اللي فاتت كورس اكتر من رائع وإسلوب شرح مشوق وممتع شكرا ليكي يادكتور بجد ربنا يباركلك انتي خرجتيني من مود مكنتش عارفة اخرج منه ازاي 😘😘😘😘😘

طبعا الكورس اكتر من رائع من جهات كتيير ومش بس اللي بيعاني من اكتئاب هو اللي محتاجه اعتقد ان كل البنات والسيدات محتجاه علشان بينور حاجات كتييير جواها وخاصه الناس الحساسه والبيرفكشنست مع أني اخدت الكورس لايف الا أني استفدت من جديد نور نقط جوايا جديده موضوع المقاومة مشروح بتفصيل اكتر وقدرت أحط أيدي علي أسباب مكنتش واضحه قبل كده الجروب نفسه اللي فيه عنده تشكيله وأمثله واقعيه نقطه التواصل الفعّال برضه فيها استفاضه والمثال بتاعكم كان معبر وبما أني كنت في قاع موجه حسيته ساعدني الي حد كبير وحلو جدا أني يكون عندي مرجع وقت ما احتاج افهم حاجه او احس أني وقفت في نقطه ارجعله متنسين نقطه اتخاذ القرار اللي اتكلمنا عليها ربناينفع بيك ❤️❤️❤️

ما شاء الله علي كم المعلومات الجديد بالنسبة لي . نور حاجات كتير في رحلة الوعي . الكورس مش حباية سحرية ... الكورس طريق منوّر للناس الي حاسة انها تايهة يخلي عقلك يدرك ان نمط الحياه اللي بتتمنيه.. محتاج معرفة ...ومع مرور الوقت وممارسة الادوات هتحسي بالفرق . هيعرفك علي نفسك اكتر هيكسر الاكتئاب ويخرجك برة دايرته يااه... هيوريكي ازاي تشوفي افكارك وعيوبها وانك تعدليها مش بطريقة واحدة ولا اتنين ولا حتي عشرة دول عشرين طريقة تشتغلي زي ما يناسبك انتِ وفعلا تكتبي روشتتك بنفسك . ازي تتواصلي مع نفسك ده مهم وكمان تتواصلي مع العالم الي حواليكي اللي بينتقدوكي او بيهزوكي.. تواصل رحيم وفعال . الكورس مكسب واستثمار ليكي سواء بتعاني من اكتئاب او لا .. انا الحمد الله معنديش اكتئاب. بس مودي متقلب وبحب اعمل وقاية ودة كان أفضل وقاية.. فمش بس الناس الي عندها اكتئاب محتاجاه.. هتكتشفي اننا بنسبة او بأخرى محتاجين ده.. شكرا د هدي علي المحتوي القيم ده ومتشوقة للانضمام لمجتمع جديد اكثر عمقا ووعيا .

Very true and realistic Thanks alot

الكورس جدا جميل ومفيد للغاية... المادة المقدمة فيه ثرية وتحتاج لدراسة ومراجعة وتدريب ليتمكن الانسان من تطبيقها.. وهو ما تقوم به د. هدى على الجروب الخاص.. الكورس مفيد حتى للاشخاص الذين لا يعانون من الاكتئاب فهو يعالج عيوب في التفكير موجودة بدى غالبية الناس وتسبب مشكلات يومية من الرائع ان يتطور وعي الفرد ليحسن من طريقة تفكيره الكورس يعلي بشكل كبير من وعي الإنسان بنفسه ويساعده على فهم شخصيته بشكل كبير ملاحظتين على الكورس : الصوت لم يكن بالجودة المطلوبة ، التشويش عالي نوعا ما.. والكتابة على اللوح تمنيت لو تكون واضحة حتى استطيع متابعة المسموع مع المادة المكتوبة