Dr.Hoda

1- مخك دايما معيشك في اللي كان واللي ماكانش واللي ممكن أو مش ممكن يكون.

2- بتقلقي من كل حاجة وعلى كل حاجة.

3- مش عارفة تعيشي اللحظة.

4- الناس بتقوللك إنت ليه بتفكري كتير كدة وللا ما تكبري دماغك شوية

5- عندك دايما سيناريوهات شغالة زي شريط السينما قدامك نفسك تفصل بقى!

6- رغم إنك بتفكري في كل الاحتمالات وبتحسبي كل خطوة هتتعمل ومش هتتعمل.. بس برضو مش بتتجرئي تنفذي اللي نفسك فيه عشان خايفة الدنيا تبوظ من حتة إنت مش عاملة حسابها.

7- بطلتي تعملي الحاجات اللي نفسك تعمليها من كتر القلق والخوف.

8- ما بقيتيش عارفة تستمتعي بحياتك من كتر ما انت مشغولة بالتفكير.

9- حتى وانت في أجازة أو بتعملي حاجة المفروض تبسطك مش عارفة تعيشي المود

10- بتفقدي تركيزك بسرعة رغم إنك بتفكري كتير

11- متأهبة دايما.. وحاسة إن فيه مصيبة جاية قريب.. والإحساس ده بقى طول الوقت

12- حاسة على طول إنك على وشك الانهيار

13- بتتعبي بسرعة وبتهنّجي

14- ما بقيتيش تعرفي تنامي.. أو حتى لو نمتي بتحسي إن مخك ما فصلش

15- وقت النوم اتحول عندك من وقت الراحة والهدوء لوقت حرب وصراع نفسي

16- عندك على طول وجع وشد في رقبتك واكتافك رغم إنك مش بتعملي مجهود بدني يبرر ده!

17- بيجيلك panic attacks أو نوبات من القلق أو الخوف الشديد نفسك تشوفيلها علاج

18- أوقات كتير بتحسي بضيق نفس ووجع في صدرك وتبقي مدركة تماما لدقات قلبك.. ورحتي لدكاترة كتير وبيقولولك مفيش سبب عضوي يبرر ده

19- بتخافي من الموت أو عندك إحساس متكرر إنك على وشك الموت ومش عارفة ازاي تخلصي من الإحساس المزعج ده!

20- عندك أفكار بتزن في دماغك عاملة زي الوسواس ومش عارفة توقفيها.

في كورس The Panic Attacker هتتعلمي ازاي:

- تتعاملي مع القلق

- التفكير الكتير

- نوبات الفزع

- وتكسري دايرة القلق>> ما بعملش حاجة >> بقلق زيادة>> ما بعملش حاجات أكتر

- تواجهي مخاوفك اللي مقيداكي

- تهدي وترتاحي وتعرفي ت Let It Go زي ما بيقولوا

* كل التقنيات اللي هتتعلميها في الكورس ده هي تقنيات تنقسم لنوعين:

الأول: العلاج المعرفي: ازاي تكتشفي أفكارك السلبية وتحددي إيه  المشكلة اللي فيها وتعدليها لأفكار إيجابية تساعدك إنك تهدي وترتاحي.

الثاني: الجزء السلوكي: ازاي تعدلي سلوكك بحيث تكسري دايرة القلق وتواجهي مخاوفك وتقضي على الخجل في التعامل مع الناس.

**في الكورس ده هعلمك كل التقنيات اللي ممكن يستخدمها معاكي المعالج أو الطبيب النفسي عشان تتخلصي من القلق.. هتتعلميها كلها بثمن جلسة من جلسات العلاج النفسي.. وفي الوقت والمكان والمعدل اللي يناسبك .. وتقدري تسأليني وتتناقشي مع الناس اللي بتاخد الكورس معاكي عن طريق ال  discussion board

***الكورس ده مبني على كورس Back to Life فأشجعك إنك تبتدي من هناك